संगालोखबर 
विराटनगर । काठमाडौं मेडिकल कलेज (केएमसी) मा पहिलो पटक कलेजोको सफल प्रत्यारोपण गरिएको छ । डा. रोशन घिमिरे नेतृत्वको चिकित्सकीय टोलीले कलेजोको सफल प्रत्यारोपण गरेको हो ।
डडेल्धुराको अमरगढी नगरपालिका-५ निवासी ४० वर्षीय प्रदीप नगरकोटीमा कलेजो प्रत्यारोपण गरिएको केएमसीले जनाएको छ । उनलाई आफ्नै श्रीमती ३३ वर्षीया यशोदा कुमारी देउवाले कलेजो दान गरेकी हुन् ।
Advertisement
यसलाई नेपाली चिकित्सा क्षेत्रको लागि एक ऐतिहासिक सफलताका रूपमा लिइएको छ । जसले देशमै कलेजो प्रत्यारोपण सम्भव छ भन्ने विश्वासलाई बलियो बनाएको छ ।
जटिल र जोखिमपूर्ण मानिने कलेजो प्रत्यारोपण प्रक्रिया नेपालमै सफलतापूर्वक सम्पन्न हुनु देशको स्वास्थ्य प्रणालीको गुणस्तर र प्रविधिमा भएको प्रगतिको प्रमाण भएको केएमसीको भनाइ छ ।
काठमाडौं मेडिकल कलेज नेपाली काँग्रेसका नेता तथा सांसद डा. सुनिल शर्माको हो । डा. शर्माले यस सफलतामा संलग्न सम्पूर्ण चिकित्सक, स्वास्थ्यकर्मी र प्राविधिकको योगदानप्रति धन्यवाद व्यक्त गरेका छन् ।
