संगालोखबर 
विराटनगर । ताप्लेजुङमा पहिरोले घर पुरिँदा एक महिला गम्भीर घाइते भएकी छन् । सिदिङबा गाउँपालिका-३ आङखोपमा कुलोमा बगेको पानी छेकिएर घरमाथिको खेतमा पस्दा पहिरो खसेको हो ।
पहिरोले हस्तबहादुर कटुवालको घर पुरिएको प्रहरीले जनाएको छ । पहिरोमा पुरिएर हस्तबहादुरकी श्रीमती ५० वर्षीय ठगमाया कटुवाल गम्भीर घाइते भएकी ताप्लेजुङका प्रहरी नायब उपरीक्षक बेदप्रसाद गौतमले जानकारी दिए ।
Advertisement
परिवारका अन्य सदस्यको अवस्था सामान्य रहेको उनले बताए । ‘आज बिहान ६ बजेतिर घरमाथिबाट पहिरो खसेछ’, गौतमले संगालोखबरसँग भने, ‘पहिरोले घर पुरिँदा तीन लाख बढीको क्षति भएको छ । घाइतेलाई टाउकोमा चोट लागेको छ । उहाँलाई उपचारमा लग्ने तयारी भइरहेको छ ।’
