संगालोखबर 
विराटनगर । इलामको माई नगरपालिका–१ मा पिकअप दुर्घटना हुँदा २९ जना घाइते भएका छन् । बिहीबार दिउँसो महमाईबाट दानाबारीतर्फ जाँदै गरेको प्र १–०२–००२ च ४१९२ नम्बरको पिकअप दुर्घटनामा परेको हो ।
‘ब्रेक फेल’ भएर दुर्घटना भएको हुनसक्ने प्रहरीले जनाएको छ । घाइतेहररूको इलाम अस्पताल र झापाको बिर्तामोडस्थित विएन्डसी अस्पतालमा उपचार भइरहेको छ ।
Advertisement
दुर्घटनामा पिकअप चालक इलामको माइ नगरपालिका–४ का अन्दाजी २७ वर्षीय लेखनाथ सेन्चुरी, माइ–७ का ३० वर्षीय खगेन्द्र मगर, १४ वर्षीया मेनुका मगर, १६ वर्षीया कञ्चन मगर, १४ वर्षीया लीला थापा, ८ वर्षीया रवि मगर, १५ वर्षीय फुर्तीमान मगर, ५२ वर्षीय तोपबहादुर मगर, ३६ वर्षीया पवित्रा मगर, ६० वर्षीया चाँदनी मगर, २५ वर्षीया गीता मगर, १० वर्षीया काजल तामाङ र १२ वर्षीय मन्दीप मगर घाइते भएका छन् ।
त्यस्तै १५ वर्षीय बलबहादुर मगर, ११ वर्षीया सिम्रन गिरी, ३७ वर्षीय चन्द्रबहादुर थापामगर, ८ वर्षीय दिवश मगर, १० वर्षीया लक्ष्मी परियार, १४ वर्षीया सभेक्षा मगर, १५ वर्षीया नवीना कुमाल, १६ वर्षीया समीक्षा मगर, १६ वर्षीय दिलिप मगर, ८ वर्षीया काव्या तामाङ, ३७ वर्षीय धनबहादुर तामाङ, ११ वर्षीया रजिना परियार, १४ वर्षीय राजिव परियार, १३ वर्षीय सनम राई, १४ वर्षीया आयुषा मगर र सन्तोष राई घाइते भएका प्रहरीले जनाएकाे छ ।
