एबीले जित्यो विराटनगर फुटसल लिगको उपाधि

विराटनगर । एबी ५ एफसीले विराटनगरमा सम्पन्न विराटनगर फुटसल लिगको उपाधि जितेको छ । आज भएको फाइनल खेलमा स्टार बोइज एफसीलाई ३-२ गोलले पराजित गर्दै एवीले उपाधि जितेको हो ।

Advertisement

खेलमा एबीले उत्कृष्ट प्रदर्शन गर्दै स्टार बोइज एफसीमाथि रोमाञ्चक जित निकाल्यो । उपाधिसँगै एबीले नगद ४० हजार हात पारेको छ भने उपविजेता स्टार बोइज एफसीले २० हजारमा चित्त बुझाएको छ ।

हिमेश पौडेल प्रतियोगिताको उत्कृष्ट खेलाडी घोषित भए । लेसाङ राई उत्कृष्ट गोलकर्ता बने भने मनिष कार्कीले सर्वाधिक क्लिन सिटको पुरस्कार पाए ।

यो प्रतियोगिताले युवा खेलाडीहरूलाई आफ्नो प्रतिभा प्रदर्शन गर्ने अवसर मिल्नुका साथै स्थानीय फुटबलको विकासमा महत्वपूर्ण भूमिका खेलेको आयोजकको दावी छ ।