भोजपुरमा कुटपिटबाट एक जनाको मृत्यु

भोजपुर । भोजपुरको साल्पासिलिछो गाउँपालिका-४ गोथे बजारमा कुटपिटबाट एक जनाको मृत्यु भएको छ । जिल्ला प्रहरी कार्यालय भोजपुरका अनुसार षडानन्द नगरपालिका-२ का ३१ वर्षीय धर्मराज राईको मृत्यु भएको हो ।

‘हिजो बेलुका ६ बजेतिर हामीलाई जानकारी आएको थियो’, जिल्ला प्रहरी कार्यालय भोजपुरका प्रवक्ता इन्स्पेक्टर दीपक श्रेष्ठले संगालोखबरसँग भने, ‘आपसी विवादका कारण घटना भएको भन्ने छ ।’

मृतक राईको शव पोष्टमार्टमका लागि खाँदबारी पठाइएको उनको भनाइ छ । मृतकको टाउकोको पछाडि भागमा चोट लागेको उनले बताए । शङ्कास्पद एक जनालाई नियन्त्रणमा लिएर अनुसन्धान भइरहेको इन्स्पेक्टर श्रेष्ठले जानकारी दिए । थप अनुसन्धानपछि बाँकी कुरा थाहा हुने उनको भनाइ छ ।