रौतहटमा स्कारपियो दुर्घटना हुँदा आठ जनाको मृत्यु

रौतहट । रौतहटको चन्द्रपुर नगरपालिका-४ स्थित पूर्वपश्चिम राजमार्गको धन्सार-लमाहा सडक खण्डमा स्कारपियो गाडी दुर्घटना हुँदा आठ जनाको मृत्यु भएको छ ।

आज बिहानको बा १६ च ३१६२ नम्बरको गाडी अनियन्त्रित भएर सडक छेउको रूखमा ठोक्किएर दुर्घटना भएको हो । दुर्घटनामा गाडी चालक ५० वर्षीय श्रीकुमार यादवसहित आठ जनाको मृत्यु भएको हो ।

सिराहा अर्नामा गाउँपालिका-३ बंठियाटोल की ६० वर्षीय लरुवतीदेवी महरा, ३० वर्षीय निर्मला महरा, ५० वर्षीय रामकुमारी महरा, ५५ वर्षीया महगीं देवी महरा, ६२ वर्षीय फुलमन्ति देवी चमार, ६० वर्षीय रामकुमारी देवी महरा र ३० वर्षीय सकुन्तला देवि महराको मृत्यु भएको प्रहरीले जनाएको छ ।

दुर्घटनामा अन्य पाँच जना घाइते भएका छन् । घाइतेहरूको हाइवे ट्रम्मा सेन्टर अस्पताल र वीरगञ्जको बयोधा अस्पतालमा उपचार भइरहेको प्रहरीले जनाएको छ ।