अनेरास्ववियु धनकुटाको अध्यक्षमा युवा तिम्सिना निर्वाचित

धनकुटा । अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) धनकुटाको अध्यक्षमा युवा तिम्सिना निर्वाचित भएका छन् । अनेरास्ववियुको आज सम्पन्न २४ औं जिल्ला अधिवेशनले तिम्सिनाको अध्यक्षतामा ३५ सदस्यीय जिल्ला कमिटी निर्माण गरेको हो ।

कमिटीको उपाध्यक्षमा बालकृष्ण बस्याल, सुबन श्रेष्ठ र भविन्द्र राई चयन भएका छन् । सचिवमा कुमार सापकोटा तथा उप-सचिवमा अस्मिता राई, विशाल लिम्बू र प्रदिप बरुवाल चयन भएका छन् । कोषाध्यक्षमा सुमन राई निर्वाचित भएका छन् । नव निर्वाचित पदाधिकारी तथा सदस्यहरूलाई अनेरास्ववियुका केन्द्रिय सचिव मनोज ताम्लीले पद तथा गोपनीयताको शपथग्रहण गराएका छन् ।

कार्यक्रममा नेकपा एमालेका केन्द्रिय सदस्य राजेन्द्र राई, जिल्ला अध्यक्ष शिव आङ्ला, सचिव पर्शुराम नेपाल, उपसचिव नैन विश्वकर्मा लगायतले बधाइसहित सफल कार्यकालको शुभकामना व्यक्त गरेका छन् ।