संगालोखबर 
विराटनगर । रोटरी क्लब अफ विराटनगर मिडटाउनद्वारा मोरङको ग्रामथान गाउँपालिका-५ तेतरियामा निःशुल्क आँखा शिविर सञ्चालन गरेको छ ।
विराटनगर आँखा अस्पताल रानीको सहयोगमा क्लबले देवी माध्यमिक विद्यालयमा आँखा शिविर सञ्चालन गरेको हो । शिविरमा १२१ जना मोतियाबिन्दुका बिरामी भेटिएका थिए ।
उनीहरूको विराटनगर आँखा अस्पतालमा मोतियाबिन्दुको अप्रेसन गरिनुका साथै आवश्यक औषधी समेत वितरण गरिएको क्लबका अध्यक्ष बिनोद बोहराले जानकारी दिए ।
शिविरमा राम अवतार अग्रवाल, रानु गोपाल, सुशील रिजाल, सञ्जय वंशल, अशोक सोमानी, प्रदीप अग्रवाल, सचिव प्रतिश अग्रवाल लगायतको उपस्थिति थियो ।
