भोजपुरमा ट्याक्टरले किच्दा एक जनाको मृत्यु

भोजपुर । भोजपुरको हतुवागढी गाउँपालिका-२ धारापानीमा ट्याक्टरले किच्दा एक जनाको मृत्यु भएको छ । सोही स्थानका दिपेन्द्र भुजेलको छोरा २२ वर्षीय एक्सन भुजेलको दुर्घटनामा मृत्यु भएको हो ।

अचानक ट्याक्टरबाट झरेका उनको घटनास्थलमै मृत्यु भएको प्रहरीले जनाएको छ । प्रहरीका अनुसार उनलाई बीचको चक्काले किचेको थियो ।

Advertisement

हिजो बेलुका घोडेटार-भोजपुर कच्ची सडक खण्ड स्थित कावा खोलाबाट लुङ्गिन तर्फ आउँदै गरेको को २ त ७२६८ नम्बरको पराल बोकेको ट्याक्टरबाट उनी खसेका थिए ।
ट्याक्टर चालक सोही स्थानका २८ वर्षीय सुमन सार्कीलाई नियन्त्रणमा लिएर घटनाको अनुसन्धान भइरहेको प्रहरीले जनाएको छ ।