संगालोखबर 
सुनसरी । सुनसरीको गढी गाउँपालिका-६ मा वडाध्यक्षको उम्मेदवारी दिएका डमी उराँव उम्मेदवारी फिर्ता लिँदै एमालेमा प्रवेश गरेका छन् । आगामी मंसिर १६ गते हुने उपनिर्वाचनमा एकीकृत समाजवादी पार्टीबाट वडाध्यक्षको उम्मेदवार बनेका उनी उम्मेदवारी फिर्ता लिँदै आज एमाले प्रवेश गरेका हुन् ।
उनले नेकपा एमालेका उम्मेदवार सन्तु उराँवलाई सहयोग गर्न आग्रह गर्दै पुरानै घरमा फर्किएको बताएका छन् ।
उनले भनेका छन्, ‘आफ्नो उम्मेदवारीका कारण कम्युनिष्ट आन्दोलनको मूल प्रवाहको रूपमा स्थापित नेकपा एमालेलाई क्षति पुग्ने महसुस गर्दै आजका मितिबाट पुरानो घर एमालेमा समाहित हुँदै उम्मेदवारी फिर्ता लिएको छु ।’
