संखुवासभामा दुई जनाको मृत्यु 

संखुवासभा । संखुवासभामा छुट्टाछुट्टै घटनामा दुई जनाको मृत्यु भएको छ । सिलिचोङ-३ खड्बा खोला नजिकै तेवा भीरबाट लडेर राजन राईको मृत्यु भएको हो ।

भीरमा चडेर मौरीको मह काढ्ने क्रममा लडेर उनको मृत्यु भएको प्रहरीले जनाएको छ । उनी हिजो साँझ एक सय ५० मिटर अग्लो भीरबाट लडेका थिए ।

Advertisement

यसैगरी मकालु गाउँपालिका-२ सेदुवामा एक्स्काभेटर दुर्घटना हुँदा ३० वर्षीय सुरवीर राईको घटनास्थलमै मृत्यु भएको हो । आज बिहान कास्वा हाइड्रोपावरको बाटो खन्ने क्रममा एक्स्काभेटर दुर्घटना भएको प्रहरीले जनाएको छ ।