चट्याङ लागेर झापामा दुईजनाको मृत्यु

झापा । झापाका बेग्लाबेग्लै स्थानमा चट्याङ लागेर आज दुईजनाको मृत्यु भएको छ । चट्याङ लागेर कमल गाउँपालिका–२ का ४६ वर्षीय राजन खड्का र गौरीगञ्ज गाउँपालिका–८ का ४२ वर्षीय विकास गिरीको मृत्यु भएको हो ।

जिल्ला प्रहरी कार्यालय झापाका अनुसार खेतमा काम गर्न जाने क्रममा चट्याङ लागेर खड्का घाइते भएका थिए । उपचारका लागि दमकस्थित आम्दा अस्पताल पुर्याउँदा चिकित्सकले उनको मृत्यु भइसकेको जानकारी दिएका थिए ।

Advertisement

यसैगरी स्थानीय एकजनाको खेतमा काम गरिरहेका बेला गिरीलाई चट्याङ लागेको थियो । प्रहरीका अनुसार उनको घटनास्थलमै उनको मृत्यु भएको हो ।