संसद् भवनमा प्रहरीद्वारा आफैंमाथि गोली प्रहार

काठमाडौं । काठमाडौंको नयाँ बानेश्वरस्थित संसद् भवनमा आज बिहान एक प्रहरी जवानले आफैंमाथि गोली प्रहार गरेका छन् । संसद् भवनमा सुरक्षार्थ खटिएका प्रहरी जवान अजित गोलेले बिहान करिब ८ बजे आफैंमाथि गोली प्रहार गरेर आत्महत्या गरेको संसद् सचिवालयले जनाएको छ ।

दोलखाको मेलुङ गाउँपालिका–४ घर भएका गोले प्रहरीको केन्द्रीय विशेष कार्यदल कपनमा दरबन्दी भई संघीय संसद् सुरक्षा बेसमा कार्यरत् थिए । आफूले बोकेको इन्सास राइफलले निधारमा गोली हानेर उनले आत्महत्या गरेको बताइएको छ ।

Advertisement

गोली लागेर मृत्यु भएको अवस्थामा उनको शव शौचालयमा भेटिएको थियो । शवलाई पोस्टमार्टमका लागि सिभिल अस्पताल लगिएको छ ।