![](https://sangalokhabar.com/wp-content/uploads/2024/06/child-death-1.jpg)
संखुवासभा । संखुवासभाको भोटखोला गाउँपालिका–२ च्यामताङका एक बालकको खोलाले बगाएर मृत्यु भएको छ । च्यामताङ घर भई हाल भोटखोला गाउँपालिका–४ स्याक्सिलागोला बजारमा बस्दै आएका नापाङ भोटेका चार वर्षीय छोरा नामायाङ भोटेको बुधबार साँझ मृत्यु भएको प्रहरीले जनाएको छ ।
स्थानीय कृष्ण माध्यमिक विद्यालयको कक्षा १ मा अध्ययनरत भोटे छुट्टी भएपछि विद्यालय नजिकै रहेको वाङ खोलामा पौडी खेल्ने क्रममा बगेका थिए ।
उनी बगेको खबर पाएपछि पुगेको प्रहरी टोली र स्थानीयले खोजी गरेका थिए । त्यस क्रममा खोलामा रहेको ढुंगाको चेपमा च्यापिएको अवस्थामा बालक मृत फेला परेको प्रहरीले जनाएको छ ।