संगालोखबर 
विराटनगर । नेपालमा जनसंख्या वृद्धिदर घटिरहेको पाइएको छ । जनसंख्या वृद्धिदर ८० वर्ष यताकै कम भएको नयाँ तथ्यांक सार्वजनिक भएको हो ।
राष्ट्रिय तथ्यांक कार्यालयले नेपालको जनसंख्या वृद्धिदर शून्य दशमलव ९२ प्रतिशत रहेको जनाएको हो ।
Advertisement
संघीय राजधानी काठमाडौंमा आयोजित कार्यक्रममा उक्त कार्यालयले यो जानकारी दिएको हो । त्यस अवसरमा नेपालको जनसंख्याबारे विभिन्न तथ्यांकहरु प्रस्तुत गरिएको थियो ।
त्यसअनुसार नेपालीको औसत आयु ७१ दशमलव ३ वर्ष रहेको कार्यालयले जनाएको छ । नेपालमा २०६८ र २०७८ को अवधिमा करिब २७ लाख जनसंख्या बढेको थियो । अब भने वृद्धिमा संकुचन आउने राष्ट्रिय तथ्यांक कार्यालयका उपमहानिर्देशक हेमराज रेग्मीले जानकारी दिए ।
नेपालमा अहिले ६० प्रतिशत एकल तथा ४० प्रतिशत संयुक्त परिवारमा बसोबास गर्दछन् । मधेस प्रदेशमा संयुक्त परिवारको अवधारणा बढी रहेको उल्लेख गर्दै अन्य क्षेत्रमा भने कम रहेको कार्यालयले जनाएको छ ।
