मैले तिमीलाई जन्म दिएँ
दश धारा दुध पिलाएँ ।
मेरो कोमल छातिमा राखि
मायाँ गरेँ तिमीलाई ।
कतै मैले गर्ने मायाँमा केहि कमी त भएन ?
कि त मैले पिलाएको दशधारा दुधमा,
अमृतको सट्टा कुनै विष त थिएन ?
Advertisement
किन तिमी आफ्नै चेली माथि गलत नजर राख्छौ ।
तिमीलाई खाना पकाई खुवाउने म,
तिम्रा जुठा भाँडा माझ्ने म,
तिम्रा लुगा धुने म ।
किन तिमी हामी माथि हेला गरिरहेछौ,
तिमी दुर्गा काली सरस्तीको पुजा गरेको भन्छौ
तर त्यो हामीलाईहेर्न दिन्नौ किन ?
सक्छौ भने स्वतन्त्र भएर वाँच्ने अधिकार देउ
सक्दैनो भने नारीको पुजा गरेको स्वाङ पार्छौ किन
आज तिमी हामीलाइै आफ्नो मृत श्रीमान सँगै
जल्न वाध्य पारि रहेछौ ।
जिउँदै चितामा जलाई रहेछौ
अनि नारीको पुजा गरेको स्वाङ पारि रहेछौ
तिमी म जति मायाँ कसैलाई गर्न सक्छौ ?
