यौन शोषण आरोप लागेका अधिकारीको बिज्ञप्ति : म निर्दोष छु, षड्यन्त्रपूर्वक फसाउँन खोजियो

धनकुटा । धनकुटाकी १४ बर्षीया बालिकालाई यौन शोषण गरेको आरोप लागेका शिक्षक मदन अधिकारीले आफु निर्दोष रहेको दावी गरेका छन् । घटनापछि फरार भएर प्रहरीले खोजि गरिरहेका अधिकारीले आज दिउँसो सामाजिक सञ्जाल फेसवुक मार्फत बिज्ञप्ति जारी गर्दै आफु निर्दोष भएको र आफुलाई फसाउँन षड्यन्त्र भएको दावी गरेका हुन् ।

अधिकारीसहित चार जना बिरुद्ध यौन शोषणको आरोपमा किटानी जाहेरी परेपछि उनी फरार थिए । उनीबाहेक अन्य तीन जना पक्राउ परिसकेका छन् । प्रहरीले उनको खोजी भईरहेको जनाएको थियो । तर, बिज्ञप्ति मार्फत उनले आफै प्रहरीमा हाजिर हुने संकेत गरेका छन् ।

दलित बालिकालाई पटक–पटक यौन शोषण गरी गर्भवती बनाएको आरोप उनीहरुमाथि लागेको छ । पीडित बालिकाको परिवारले जिल्ला प्रहरी कार्यालयमा किटानी जाहेरी दिएपछि धनकुटा नगरपालिका–६ आत्माराका गौरी अत्री, धनकुटा–६ भीमनारायण चौकका देवेन्द्र श्रेष्ठ र धनकुटा–६ कचिडेका भक्तबहादुर मगरलाई प्रहरीले शुक्रबार नै पक्राउ गरिसकेको छ । अधिकारी भने शुक्रबार बिहान देखि नै फरार भएको भन्दै प्रहरीले खोजि भईरहेको जनाएको थियो ।

पहुँचका आधारमा अधिकारीलाई प्रहरीले पक्राउ नगरेको चर्चा चलिरहेका बेला अधिकारीले आफ्नै फेबसुक आईडीबाट बिज्ञप्ति सार्वजनिक गरेका हुन् ।

यस्तो छ बिज्ञप्ति