धनकुटा । काठमाडौंमा अलपत्र परेका धनकुटेलीलाई बोकेर आउँदै गरेका आठ वटा गाडीलाई आज राती भेडेटारमै रोकिने भएको छ । राती जिल्ला भित्रदा जोखिम बढ्ने भन्दै आठ वटै गाडीमा सवार धनकुटेलीहरुलाई भेडेटारमै रोक्न लागिएको हो ।
Advertisement
आज राती सबै यात्रुलाई भेडेटारमै रोकेर भोलि बिहान पालिकाका प्रतिनिधिलाई जिम्मा लगाएर पठाईने सुरक्षा स्रोतले संगालोखबरलाई जानकारी दिएको छ । ‘आज राती सबै यात्रुलाई गाडीमै बसाईन्छ ।’ स्रोतले संगालोखबरलाई भन्यो–‘रातीका लागि अन्य उपाय नभएकाले सबै यात्रुलाई चाउचाउ र पानी खाने व्यवस्था मिलाईएको छ ।’
काठमाडौंमा अलपत्र परेका ३ सय ४९ जना धनकुटेलीलाई बोकेर हिजोसाँझ आठ वटा गाडी धनकुटाका लागि छुटेका हुन् । बिभिन्न ठाउँमा प्रहरीले अवरोध गर्नाले २४ घण्टा बितिसक्दा पनि गाडी धनकुटा आईपुगेका छैनन् । यो समाचार तयार पर्दासम्म गाडी सुनसरी जिल्ला प्रवेश गरिसकेका छन् । अब धनकुटा प्रवेश गर्ने क्रममा भेडेटारमै रोक्न लागिएको स्रोतले जनाएको छ ।
भेडेटार नजिकको खुल्ला स्थानमा राती गाडीहरु रोकेर सबै यात्रुलाई गाडीमै राख्ने तयारी गरिएको हो । भोलि बिहान भेडेटारमा स्वास्थ्य परीक्षण गरेर उनीहरुलाई पालिकाहरुमा पठाउँने तयारी गरिएको छ ।
Update News…
