पर्खाइ

म यह़ी छु जहाँ तिमी थियौ
म यह़ी छु जहाँ तिमी छैनौ

विश्वास त उसले पनि तोडेछ
जीवन बाटाहरु अन्तै मोडेछ
पर्खाई परिवेशको कति निर्मम
कति निन्याउरो त्यो थेम्सको
छालहरुको किनारसंग मिलन
नशाको चुरता
कठै समयको क्रुरता
साँझहरु झैँ निरस
अनि त्यो कालो सम्झना ।।

त्यंही थियौ केशहरु लहराउदै
छेकेर त्यी बत्तीहरुलाई
अन्धकार ल्याउने प्रयास
भीडहरुको अंकुशबाट थुतेर
संगीन पलहरु समलिंगनमा
समेट्ने त्यो साहस
अनि कति निस्ठुर त्यो
कठ्यांगिन्द्रो मौसम
फेरी कति मिठो
यही भेट्ने तिम्रो कसम
चिसो सिँठहरुमा तिमी
अनेकौ सपनाहरुमा तिमी
एक भिन्न सपना
संसार जित्ने सपना
जीवन रंगमंचको उन्माद
सरल तर अनुपम स्वाद
तिम्रा आकांक्षाहरुमा मा एक
टहलिदै ति जलहाँसहरु समेत
गाउदै गीत त्यो मधुर संगमको
बुन्दै सानो घर जनम जनमको ।।

कपटी समय रोकिन सकेन
यी हातहरुले छेक्न सकेन
रुझ्दै झरीमा आँशुहरु लुकाई
अनवरत बन्दैछ यो पर्खाई
थाहै छ तिमी आउन्नौ
आफ्ना सपनामा बार बन्न चाहन्नौ
कति महँगो तिम्रो सपना
तर विवश मेरा बिपना ।।
त्यसैले,

म यह़ी छु जहाँ तिमी थियौ
म यह़ी छु जहाँ तिमी छैनौ ।।