संगालोखबर सम्वाददाता 
जनकपुरधाम । जनकपुरमा अनौठो बच्चाको जन्म भएको छ । जनकपुरधामको रामानन्द चौक स्थित मिहिलाल इन्टरनेशनल अस्पतालमा दुई टाउको भएको बच्चा जन्मिएको हो ।
Advertisement
अस्पतालका प्रमुख रामबाबु यादवका अनुसार सिरहाको कर्जनाहा नगरपालिकाको बल्टियाकी २५ वर्षीया सविता वैद्यले एउटा जिउमा दुई टाउको, चार आँखा र चार कान भएको बच्चालाई बिहिबार जन्म दिएकी हुन् ।
डा. रुवी सिंह नेतृत्वको चिकित्सक टोलीले शल्यक्रियाको माध्यमबाट बच्चा निकालेको हो ।
तर, जन्मिएको करिव एक घण्टापछि नवजात शिशुको मृत्यु भएको अस्पताल प्रमुख यादवले बताए । यता आमाको स्वास्थ्य अवस्था भने सामान्य छ ।
