संगालोखबर 
विराटनगर । विराटनगर-३ कञ्चनबारीमा रहेको आर्या न्युरो अस्पतालले भोटेकोशी नदीमा आएको विनाशकारी बाढीबाट प्रभावितहरूका लागि आर्थिक सहयोग गरेको छ ।
आइतबार प्रधानमन्त्री दैवी प्रकोप उद्धार कोषमा अस्पतालले एक लाख एक हजार रुपैयाँ जम्मा गरेको हो । सामाजिक उत्तरदायित्वअन्तर्गत उक्त रकम प्रदान गरिएको अस्पताल प्रशासनले जनाएको छ ।
अस्पतालले विपद्का बेला प्रभावित समुदायलाई प्रत्यक्ष वा अप्रत्यक्ष रूपमा सहयोग पुर्याउने उद्देश्यले कोषमा रकम हस्तान्तरण गरेको हो ।
विपद्का बेला सहानुभूति व्यक्त गरेर मात्र जिम्मेवारी पूरा नहुने भन्दै अस्पतालले प्रभावितको उद्धार, राहत र पुनःस्थापनामा आफ्नो क्षमताअनुसार योगदान गरेको जनाएको छ ।
