संगालोखबर 
संखुवासभा । संखुवासभामा आज साँझ चट्याङ लागेर हाइड्रोपावरका पाँच मजदुर घाइते भएका छन् । मकालु गाउँपालिका-२ स्थित कसुवा खोला हाइड्रोपावरमा साँझ करिब ५ बजे चट्याङ लागेर मजदुरहरू घाईते भएका हुन् ।
चट्याङ लाग्दा हाइड्रोपावरको टनेलमा कार्यरत बागलुङको ढोरपाटन गाउँपालिका-८ का २० वर्षीय सुमन घर्तीमगर, कञ्चनपुर शुक्लाफाँटा नगरपालिका-९ का ४९ वर्षीय दलबहादुर ढुंगेल, रामेछाप मन्थली नगरपालिका-८ का ३६ वर्षीय प्रह्लाद ढुंगेल, २५ वर्षीय प्रकाश पहरी र दाङ शान्तिनगर नगरपालिका-६ का ३० वर्षीय बर्नसिंह चौधरी घाइते भएका छन् ।
स्थानीय स्वास्थ्य संस्थामा प्राथमिक उपचार गरी उनीहरूलाई थप उपचारका लागि जिल्ला अस्पताल ल्याइएको प्रहरीले जनाएको छ ।
