संगालोखबर 
काठमाडौँ । माथिल्लो त्रिशूली १ मा फसेकाहरूको उद्धारमा ढिलाई भएको भन्दै आक्रोशित पीडित पक्षले आज कम्पनीको कार्यालय घेराउ गरेका छन् ।
थापाथलीस्थित नेपाल वाटर एण्ड इनर्जी डेभलपमेन्ट कम्पनीको कार्यालय घेराउ गर्दै आफन्तहरूले फसेकाहरूको तत्काल उद्धार गर्न माग गरेका हुन् ।
बाढी आएको ५ दिन बितिसक्दा पनि उद्धार हुन नसकेको भन्दै आफन्तहरू आक्रोशित छन् ।
उनीहरूले फसेका आफन्तको उद्धारमा लापरबाही गरिएको आरोप लगाएका छन् ।
अन्य जलविद्युत कम्पनीमा फसेकाहरूको उद्धार भइरहेको भएपनि माथिल्लो त्रिशूली १ को क्याम्पमा फसेकाहरूको उद्धारमा लापरबाही गरिएको उनीहरूको भनाई छ ।
