संगालोखबर 
विराटनगर । विराटनगर महानगरपालिका-२ स्थित बरगाछी-दुर्गा चोक भित्री सडक खण्डमा ट्रकले ईभी कारलाई ठक्कर दिएको छ ।
आज बिहान ११ः३० बजे बरगाछीबाट दुर्गा चोकतर्फ जाँदै गरेको ना ७ ख ३४३ नम्बरको ट्रकले विराट क्षितिज कलेजको गेटबाट निस्किँदै गरेको बा प्र ०१-०३५ च ००४२ नम्बरको विद्युतीय कारलाई ठक्कर दिएको हो ।
दुर्घटनामा कार पूर्ण रूपमा क्षति भएको छ भने कार चालक विराटनगर-४ का ३२ वर्षीय सुशील घिमिरेलाई केही नभएको मोरङका ट्राफिक प्रमुख इन्स्पेक्टर सन्तोष न्यौपानेले जानकारी दिए ।
ट्रक चालक मोरङको कानेपोखरी गाउँपालिका-२ का ४२ वर्षीय मानबहादुर पोखरेललाई प्रहरीले नियन्त्रणमा लिएको छ । ट्रक चालकको लापरबाहीका कारण दुर्घटना भएको प्रहरीको प्रारम्भिक अनुमान छ ।
