संगालोखबर 
विराटनगर । मोरङको कटहरीस्थित जीवन विकास सामुदायिक अस्पतालले आज कटहरी–३ स्थित हेल्थ एण्ड हाइजिन प्रोडक्ट प्रा.लि.को उद्योग परिसरमा स्वास्थ्य शिविर सञ्चालन गरेको छ । उद्योगका कर्मचारी तथा सेवाग्राहीहरूलाई स्वास्थ्य उपचार सेवा प्रदान गर्ने उद्देश्यले शिविर आयोजना गरिएको हो ।
शिविरमा १५० जना कर्मचारी तथा सेवाग्राहीको स्वास्थ्य परीक्षण गरिएको जीवन विकास सामुदायिक अस्पतालले जनाएको छ ।
शिविरमा जनरल फिजिसियन, स्त्री तथा प्रसूति रोग विशेषज्ञ, हाडजोर्नी तथा नसारोग विशेषज्ञ र नेत्र रोग विशेषज्ञसहितको टोलीले स्वास्थ्य परीक्षण गरेको छ ।
भिडियो एक्सरे, रक्तचाप, मधुमेह लगायतको जाँच पनि गरिएको छ । शिविरमा स्वास्थ्य परीक्षण गरी औषधि पनि निःशुल्क वितरण गरिएको छ ।
