संगालोखबर 
रूपन्देही । कपिलवस्तु नगरपालिकाका पूर्वी मेयर तथा नेपाली काँग्रेसका नेता किरण सिंह मृत भेटिएका छन् । शुक्रबारदेखि हराइरहेका सिंह तौलिहवा गोरुसिंगे क्षेत्रको जंगलमा आज मृत फेला परेका हुन् ।
उनको खोजीमा प्रहरीले भैरहवास्थित गौतमबुद्ध अन्तर्राष्ट्रिय विमानस्थलबाट तालिमप्राप्त कुकुर झिकाएर परिचालन तथा ड्रोनबाट समेत निगरानी गरेको थियो । शुक्रबार मोटरसाइकलसहित उनी बेपत्ता भएका थिए । उनको मोटरसाइकल भने भेटिएको थियो ।
प्रहरीका अनुसार ६५ वर्षीय सिंह अन्दाजी २ बजेतिर कपिलवस्तु-३ स्थित घरबाट निस्किएका थिए । साढे तीन बजेतिर उनले आफू निकटका केही व्यक्तिहरूलाई जंगलमा बाटो बिर्सिएँ भनेर मोबाइलमार्फत जानकारी दिएका थिए ।
त्यसपछि उनका आफन्तसहितको टोली खोजीमा निस्किँदा पूर्वपश्चिम राजमार्गबाट करिब आठ किलोमिटर भित्र जंगल क्षेत्रमा उनले चढ्ने गरेको लु प्र ०१०१३ प ७९७० नम्बरको मोटरसाइकल रोकिराखेको अवस्थामा भेटिएको थियो ।
