संगालोखबर 
धनकुटा । धनकुटाको चौबिसे गाउँपालिका-४ बाट ठूलो परिमाणमा गाँजासहित दुई जना पक्राउ परेका छन् ।
जनता आवासका लागि बनाइएको खाली घरमा अवैध रूपमा भण्डारण गरी राखिएको अवस्थामा प्रहरीले आज दिउँसाे १ बजे गाँजा बरामद गरेकाे हाे ।
घर खानतलासी गर्दा ४८ वटा बोरामा प्याक गरी राखिएको अवस्थामा ८०४ किलो गाँजा फेला परेकाे धनकुटाका प्रहरी प्रवक्ता डीएसपी हेमन्त भण्डारीले जानकारी दिए ।
गाँजा बरामद भएसँगै प्रहरीले छथर जोरपाटी गाउँपालिका-४ घर भई हाल चौबिसे गाउँपालिका-४ मा होटल सञ्चालन गर्दै आएका ४० वर्षीय हरि प्रसाद ओझा र चौबिसे गाउँपालिका-४ कै ३४ वर्षीय आशिष विश्वकर्मालाई नियन्त्रणमा लिएको छ।
पक्राउ परेका दुवै जनालाई हिरासतमा राखी थप आवश्यक अनुसन्धान सुरू गरिएकाे प्रहरीले जनाएको छ।
