संगालोखबर 
विराटनगर । जिल्ला अदालत सुनसरी बन्द भएको छ । सुनसरीको सदरमुकाम इनरुवा नगरपालिका क्षेत्रमा स्थानीय प्रशासनले कर्फ्यु आदेश जारी गरेपछि आज अदालत पनि बन्द भएको हो ।
जिल्ला प्रशासन कार्यालय सुनसरीले मंगलबार रातिबाट अर्काे आदेश नभएसम्मका लागि इनरुवा नगरपालिकासहित दश पालिकामा कर्फ्यु आदेश जारी गरेको थियो ।
Advertisement
सोही परिस्थितिलाई मध्यनजर गर्दै आज सेवा स्थगित गर्ने निर्णय गरेको अदालत प्रशासनले जनाएको छ ।
अदालतद्वारा प्रकाशित सूचनामा सेवाग्राही, कानुन व्यवसायी, कर्मचारी तथा न्याय सम्पादनमा संलग्न सबैको सुरक्षा र सार्वजनिक हितलाई ध्यानमा राखी यो निर्णय लिइएको उल्लेख गरिएको छ ।
