संगालोखबर 
खोटाङ । जिल्ला कारागार खोटाङमा कैद भुक्तान गरिरहेका एक कैदीको मृत्यु भएको छ । सवारी ज्यान मुद्दामा कैद भुक्तान गरिरहेका साकेला गाउँपालिका-४ मात्तिमका २४ वर्षीय निसान राईको मृत्यु भएको हो ।
बुधबार बिहानको राती करिब १२ः५५ बजेतिर बेहोस अवस्थामा फेला परेका उनलाई जिल्ला अस्पताल लगिएकोमा राती १ः५७ चिकित्सकले मृत घोषणा गरेका थिए ।
Advertisement
२०७७ फागुन १६ गते जिल्ला अदालत खोटाङ र २०७८ चैत ७ गतेको उच्च अदालत विराटनगरको अस्थायी इजलास ओखलढुङ्गाको फैसला अनुसार राई २०८१ साउन २४ गते कारागार चलान भएका थिए ।
उनलाई दुई वर्ष जेल र २० हजार जरिवानाको फैसला सुनाइएको थियो । मृतकका आफन्तले घटनाबारे सत्यतथ्य छानबिनको माग गर्दै शव बुझ्न मानेका छैनन् । पोस्टमार्टम रिपोर्टपछि मात्र मृत्युको कारण खुल्ने अस्पतालले जनाएको छ ।
