सुनसरीमा दुर्घटनामा परेको भारतीय स्कारपियो भित्र गाँजा भेटियो

सुनसरी । सुनसरीको बराहक्षेत्र नगरपालिका-३ नडाहा चोकबाट प्रहरीले भारतीय स्कारपियोबाट गाँजा बरामद गरेको छ । मदन भण्डारी लोकमार्ग अन्तरगत बीआर ३१ प ६६५१ नम्बरको स्कारपियोबाट १०४ किलो गाँजा बरामद भएको हो ।

आज बिहानको राति करिब १ः५५ बजे सडक छेउमा रहेको चिया पसलको टहरोमा ठोक्किएर स्कारपियो दुर्घटना भएको थियो । घटनाको बारेमा जानकारी पाउनासाथ घटनास्थल पुगेको प्रहरी टोलीले गाडीमा चेकजाँच गर्दा १०४ किलो ८५५ ग्राम गाँजा फेला परेको हो ।

Advertisement

गाँजा र स्कारपियोलाई इलाका प्रहरी कार्यालय महेन्द्रनगरमा राखिएको छ । स्कारपियो चालक फरार छन् । उनको खोजी भइरहेको सुनसरी प्रहरीले जनाएको छ ।