संगालोखबर 
विराटनगर । तेह्रथुमको आठराई गाउँपालिका घर भएकी ४५ वर्षीया कल्पना देवान गुरुङ सम्पर्कविहीन भएकी छन् । फलोअपका लागि झापाको बिर्तामोडस्थित सञ्जीवनी अस्पताल आउने क्रममा जेठ दुई गते दिउँसो ३ बजेदेखि महिला सम्पर्कविहीन भएकी हुन् ।
आफन्तका अनुसार महिला बिर्तामोडको पश्चिम बसपार्कबाट हराएकी हुन् । बेपत्ता महिलाले दुईवटा मोबाइल बोकेको भएपनि दुवैमा सम्पर्क हुन नसकेको छोरी करिना देवानले जानकारी दिइन् ।
Advertisement
‘प्रहरीमा पनि निवेदन दिएका छौं । सम्भावित सबै ठाउँमा पनि खोजी गरिसक्यौँ । तर, अहिलेसम्म केही अत्तोपत्तो लागेको छैन’, उनले भनिन्, ‘पहिला पनि फलोअपका लागि अस्पताल आइरहनुहुन्थ्यो । कुनै मानसिक समस्या पनि थिएन । एक्कासि बेपत्ता हुनुभयो ।’
उनका अनुसार सम्पर्कविहीन महिलाले कालो पाइन्ट, सेतो टिसर्ट र रातो पातलो ज्याकेट लगाएकी थिइन् भने एउटा कालो ब्याग र जेब्रा पनि बोकेकी थिइन् । उनले कोही कसैले देखेको खण्डमा ९८६२६८९६७७ र ९७६४७९८९७५ वा नजिकैको प्रहरी कार्यालयमा सम्पर्क गरिदिन आग्रह गरेकी छन् ।
