संगालोखबर 
झापा । झापाको बुद्धशान्ति गाउँपालिका-४ मा चितुवाको आक्रमणबाट सशस्त्र प्रहरीका सईसहित चार जना घाइते भएका छन् । आज दिउँसो चितुवाको आक्रमणबाट उनीहरू घाइते भएका हुन् ।
चितुवाको आक्रमणबाट सशस्त्र प्रहरी बल सुरक्षा बेस टिमाईका सई केदार श्रेष्ठ, बुद्धशान्ति-६ का ५० वर्षीय कृष्ण गजमेर, ५४ वर्षीय दुर्गाबहादुर कटुवाल र मेचीनगर नगरपालिका-१० का २६ वर्षीय विशाल कार्की घाइते भएका छन् । उनीहरूको अवस्था सामान्य रहेको प्रहरीले जनाएको छ ।
Advertisement
उनीहरूमाथि आक्रमण गर्ने चितुवालाई स्थानीयले कुटपिट गरेर मारेका छन् । मकैबारीभित्र फेला परेको चितुवाले स्थानीयलाई आक्रमण गर्न खोजेपछि नियन्त्रणमा लिने प्रयास गरिएको थियो ।
मृत चितुवालाई आवश्यक कानुनी प्रक्रिया पूरा गर्न डिभिजन वन कार्यालय झापामा राखिएको छ ।
