संगालोखबर 
विराटनगर । झापाको गौरादह नगरपालिकाका मेयर छत्रपति सुवेदीमाथि घरैमा कुटपिट भएको छ । गौरादह-५ राजपति चोक चप्रामारी बस्ने ३४ वर्षीय भीष्म सिटौलाले सुवेदीको घरमै पुगेर गालीगलौज गर्दै हातपात गरेका हुन् ।
सुवेदीमाथि हातपात गर्ने सिटौला जापान बसेर आएको खुलेको छ । प्रहरीका अनुसार सिटौला सुवेदीको घरमै पुगेर विवाद गरेका थिए । सोही क्रममा मेयर सुवेदीमाथि हातपात भएको खुलेको प्रहरीले जनाएको छ ।
सुवेदी नेकपा एमालेबाट गौरादह नगरपालिकाको मेयरमा विजयी भएका थिए । सिटौलालाई प्रहरीले नियन्त्रणमा लिएको छ । उनलाई इलाका प्रहरी कार्यालय दमकमा राखेर अनुसन्धान अघि बढाइएको छ ।
