संगालोखबर 
खोटाङ । खोटाङमा डोजरले माथिबाट लडाएको ढुङ्गाले लागेर हलेसी तुवाचुङ नगरपालिका-१ बाहुनीडाँडास्थित धाराखोलाका ७१ वर्षीय बलबहादुर राईको मृत्यु भएको छ ।
सोही नगरपालिकाको वडा नम्बर ३ च्यास्मिटारस्थित दाल्फुको भित्री सडक निर्माणको काम गरिरहेको ना १ क ७३४७ नम्बरको डोजरले माथिबाट लडाएको ढुङ्गाले राईको टाउकोमा लाग्दा घटनास्थलमै मृत्यु भएको हो ।
घटना भएको जानकारी पाएलगत्तै खटिएको प्रहरी टोलीले डोजर र चालक उदयपुरको ताप्ली गाउँपालिका-२ लेखगाउँ निवासी २६ वर्षीय केवल मगरलाई प्रहरीले नियन्त्रणमा लिएको छ ।
राईको शव घटनास्थलको सर्जमिन मुचुल्का गरेर परीक्षणका लागि बीपी कोइराला स्वास्थ्य विज्ञान प्रतिष्ठान धरान पठाइएको प्रहरीले जनाएको छ ।
