संगालोखबर 
ताप्लेजुङ । प्रधानमन्त्री सुशीला कार्की ताप्लेजुङको पाथिभरा पुगेकी छन् । प्रतिनिधि सभा सदस्य निर्वाचनका निम्ति गरिएको तयारी तथा शान्तिसुरक्षाको व्यवस्थाका साथै जिल्लाका गतिविधिबारे जानकारी लिन आज ताप्लेजुङ पुगेकी कार्कीले पाथीभरामा पूजाअर्चना गरेकी हुन् ।
‘फागुन महिना, निर्वाचन महिना । पाथीभराबाट सुरुआत । शान्तिपूर्ण निर्वाचनका लागि कामना गरेकी छु’, उनले सामाजिक सञ्जालमा फेसबुकमा लेखेकी छिन् ।
प्रधानमन्त्रीले जिल्लास्थित सुरक्षा निकायका प्रमुख साथै मुख्य निर्वाचन अधिकृत तथा निर्वाचनमा खटिएका अधिकारीहरूसँग भेट गर्ने कार्यक्रम छ ।
