संखुवासभाको चैनपुरमा आगलागी हुँदा १५ लाखको क्षति

विराटनगर । संखुवासभाको चैनपुरमा गएराति आगलागी हुँदा एक घर जलेर पूर्णरूपमा नष्ट भएको छ । चैनपुर नगरपालिका-१ याङसिजुङका दिलप्रसाद लिम्बुको घरमा आगलागी भएको हो ।

आगलागीबाट लिम्बुको तीन तले घर पूर्णरूपमा जले पनि मानवीय क्षति नभएको प्रहरीले जनाएको छ । प्रहरीका अनुसार घरमा आगलागी हुँदा करिब १५ लाख रुपैयाँ बराबरको धनमाल जलेन नष्ट भएको छ ।

आगलागी प्रहरी र स्थानीयको सहयोगमा करिब ४ घण्टापछि नियन्त्रणमा आएको थियो ।