संगालोखबर 
विराटनगर । नेपाली बजारमा आज सुनचाँदीको मूल्य घटेको छ । दिनहुँ नयाँ रेकर्ड बनाइरहेको सुनको मूल्य आज प्रतितोला एक हजार पाँच सय रुपैयाँ घटेको हो ।
नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला दुई लाख ७६ हजार पाँच सय रुपैयाँ कायम भएको छ । बुधबार सुनको मूल्य प्रतितोला दुई लाख ७८ हजार कायम भएको थियो ।
आज चाँदीको मूल्य पनि हालसम्मकै उच्च बिन्दुबाट एक सय ७० रुपैयाँ घटेको छ । आज चाँदी प्रतितोला पाँच हजार चार सय ८५ रुपैयाँमा कारोबार भइरहेको छ । बुधबार चाँदी प्रतितोला पाँच हजार छ सय ५५ रुपैयाँमा कारोबार भएको थियो ।
