ताप्लेजुङमा बोलेरो दुर्घटना हुँदा एक जनाको मृत्यु

ताप्लेजुङ । ताप्लेजुङको सिदिङवा गाउँपालिका-३ आङखोपमा बोलेरो दुर्घटना हुँदा एक जनाको मृत्यु भएको छ । दुर्घटनामा सिदिङवा-३ आङखोपका ६० वर्षीय लोकबहादुर कुँवरको घटनास्थलमै मृत्यु भएको हो ।

मंगलबार साँझ पाँचथरको थर्पु हुँदै सिदिङवा गाउँपालिकाकै ढङढङे झरनाबाट आङ्खोपतर्फ जाँदै गरेको प्र १-०१-००१ ज ३४७० नम्बरको गाडी दुर्घटनामा परेको प्रहरीले जनाएको छ ।

दुर्घटनामा आङखोपकै ६० वर्षीय लोकबहादुर चौहान र ४५ वर्षीय प्रकाश चौहान गम्भीर घाइते भएका छन् । यस्तै ३० वर्षीया सिर्जना चौहान, ४ वर्षीय प्रियान्स चौहान, गाडी चालक ४० वर्षीय प्रकाश सुवाङ र ३ वर्षीया प्रियन्सा चौहान घाइते भएका प्रहरीले जनाएको छ ।