भोजपुरमा निषेधाज्ञा, पाँच जना भन्दाबढी भेला हुन रोक

भोजपुर । भोजपुरमा निषेधाज्ञा आदेश जारी भएको छ । विभिन्न स्थानहरूमा हुनसक्ने प्रदर्शन, जुलुस, हुलदङ्गा आदिका कारण प्रतिकुल अवस्था सिर्जना भई शान्ति सुरक्षा भंग हुनसक्ने परिस्थितिलाई मध्यनजर गर्दै निषेधाज्ञा लगाइएको हो ।

प्रमुख जिल्ला अधिकारी राजिव पन्थीद्वारा जारी गरिएको सूचनामा आज बिहान ९ बजेदेखि राति १० बजेसम्म निषेधाज्ञा जारी गरिएको जनाइएको छ ।

Advertisement

सो अवधिमा पाँच जना भन्दाबढी व्यक्ति भेला हुन नपाउने उल्लेख गरिएको छ । आदेश पालना नगरेको खण्डमा कानुन अनुसार कारबाही गरिने सूचनामा भनिएको छ ।