संगालोखबर 
धनुषा । जनकपुर उपमहानगरपालिका-९ मा रेलले कारलाई ठक्कर दिएको छ । आज बिहान ९ बजे थापा चोकबाट हिरा अस्पताल आउँदै गरेको कारलाई रेलले ठक्कर दिएको हो ।
प्रहरीका अनुसार रेल-वे लिकमा अडकिएको बागमती प्रदेश ०१-०२५ च १२९० नम्बरको कारलाई रेलले ठक्कर दिएको हो । रेल-वे लिक पार गर्दा कारको पछाडिको पांग्रा लिकमै फसेको धनुषा प्रहरीले जनाएको छ ।
Advertisement
कार धनुषाकै लक्ष्मीनियाँ गाउँपालिका-६ निकालका २२ वर्षीय ललित यादवले चलाएका थिए । कार चालक सामान्य घाइते भएका छन् भने कारमा क्षति पुगेको प्रहरीले जनाएको छ ।
