झापामा बसको ठक्करबाट साइकलयात्रीको मृत्यु

झापा । झापामा बसको ठक्करबाट साइकल यात्रीको मृत्यु भएको छ । दुर्घटनामा दमक-४ घरघरेका ६० वर्षीय सोमबहादुर विकको मृत्यु भएको हो ।

आज बिहान दमक-४ चियाबगानस्थित पूर्वपश्चिम राजमार्गमा उर्लाबारीबाट दमकतर्फ आउँदै गरेको प्रदेश नं. १-०१-००१ ख ४३६३ नम्बरको यात्रुबाहक बसले दमकबाट ताराबारीतर्फ जाँदै गरेको साइकललाई ठक्कर दिएको थियो ।

Advertisement

दुर्घटनामा गम्भीर घाइते भएका विकलाई उपचारका लागि दमक अस्पताल लगिएकोमा उपचारका क्रममा मृत्यु भएको हो । बस चालक मकवानपुर हेटौँडा उपमहानगरपालिका-७ का ४७ वर्षीय राजेन्द्र गौतमलाई प्रहरीले नियन्त्रणमा लिएको छ ।