धनकुटा ७ मा आँखा शिविर, मोतिबिन्दुको निःशुल्क अप्रेसन

धनकुटा । धनकुटा नगरपालिका-७ मा मोतिबिन्दु पहिचानका लागि निःशुल्क शिविर सञ्चालन गरिएको छ ।  डा. रामप्रसाद पोखरेल आँखा अस्पताल धनकुटासँगको प्राविधिक सहयोगमा वडा कार्यालयले १९ गते आयोजना गरेको शिविरमा ११ जनाको मोतिबिन्दु पहिचान भएको छ ।

शिविरमा नगरपालिका स्वास्थ्य सेवा उपशाखाका प्राविधिक कर्मचारीहरूले पनि सहयोग गरेका थिए । ‘वडाका ज्येष्ठ नागरिकलाई लक्षित गरेर हामीले शिविरको आयोजना गरेका हौं’, वडाध्यक्ष रोशेष श्रेष्ठले भने, ‘वडाको शिविर बाहेक अस्पतालमा गएर पनि निःशुल्क आँखा जाँच्ने काम भइरहेको छ ।’

Advertisement

वडामा भएको शिविर र अस्पतालमा जाँच गर्दा मोतिबिन्दु पहिचान भएका सबैको निःशुल्क अप्रेसन गरिने उनको भनाइ छ । अप्रेसन जेठ २६ गते गरिने उनले बताए ।