लोपोन्मुख रेडपान्डा भोजपुरमा भेटिएपछि थालियो संरक्षण अभियान

भोजपुर । भोजपुरमा लोपोन्मुख हाब्रे ‘रेडपान्डा’ संरक्षण अभियान थालिएको छ । विश्वमै दुर्लभ मानिने रेडपान्डा भोजपुरमा भेटिन थालेपछी टेम्केमैयुङ गाउँपालिका र साल्पासिलिछो गाउँपालिकामा रेडपान्डा संरक्षण कार्यक्रम थालिएको हो ।

रेडपान्डा नेटवर्कसँगको समन्वयमा सामूहिक अभियानले टेम्केमैयुङ–१ र साल्पासिलिछो–५ मा रेडपाण्डा संरक्षण अभियान सुरु गरेको छ । टेम्केमैयुङको मुन्दुम पदमार्ग आसपास क्षेत्रको वनमा रेडपान्डा भेटिने गरेको छ । त्यहाँ देखिएको रेडपाण्डाको फोटो पनि खिचिएको छ ।

सुम्लिखाको धप्पर एकराते सामुदायिक वन क्षेत्रमा सामूहिक अभियान संस्थाका समुदायमा आधारित रेडपाण्डा संरक्षण कार्यक्रमका फिल्ड कर्मचारीले रेडपाण्डा भेटेर तस्बिर कैद गरेका छन् ।

रेडपान्डा संरक्षण गर्न डिभिजन वन कार्यालय र सामुदायिक वनसँग सहकार्य गरिएको छ । सम्बन्धित निकायसँग जिल्ला तहमा अन्तरक्रिया कार्यक्रम पनि भइरहेको छ ।