भीमनारायण गोल्डकपः सुनसरीलाई हराउँदै उदयपुर सेमिफाइनल प्रवेश

धनकुटा । उदयपुरको गाइघाट फुटबल क्लब धनकुटामा जारी सहिद भीमनारायण गोल्डकपको सेमिफाइनल प्रवेश गरेको छ । धनकुटाको तल्लो टुँडिखेलमा आज भएको खेलमा सुनसरीको ब्वाइज फुटबल क्लबलाई १-० गोलले हराउँदै उदयपुरले सेमिफाइनलको यात्रा तय गरेको हो ।

Advertisement

खेलको १६ औं मिनेटमा उदयपुरका जर्सी नम्बर १० का फोफानाले गरेको एक मात्र गोल नै टिमलाई जित दिलाउन पर्याप्त बन्यो । गोल गर्न नसक्दा प्रतियोगिताबाट सुनसरी बाहिरिएको छ । विजेता टिम उदयपुरका गोल रक्षक अनिल मगर खेलको म्यान अफ द म्याच घोषित भए । उनले नगद ५ हजार पुरस्कार पाएका छन् ।

अब, भोलि काठमाडौको चित्लाङ्ग फुटबल क्लब र झापाको बिर्तामोड युनाइटेड क्लबबीच खेल हुने प्रतियोगिताका प्रचारप्रचार समिति संयोजक विदुर खवासले जानकारी दिए ।