सुनको मूल्य घट्यो, कतिमा हुँदैछ कारोबार ?

विराटनगर । आज सुनको मूल्य घटेको छ । शुक्रबार तोलामा एक हजार रुपैयाँले घटेको सुनको मूल्य आज नौ सय रुपैयाँले घटेको हो । नेपाल सुनचाँदी व्यवसायी महासङ्घका अनुसार आज सुन प्रतितोला एक लाख ७४ हजार एक सय रुपैयाँमा कारोबार भइरहेको छ ।

शुक्रबार सुन प्रतितोला एक लाख ७५ हजार रुपैयाँमा कारोबार भएको थियो । महासङ्घका अनुसार आज चाँदीको मूल्य पनि घटेको छ ।

Advertisement

शुक्रबार प्रतितोला एक हजार नौ सय ९५ रुपैयाँमा कारोबार भएको चाँदी आज एक हजार नौ सय ८० रुपैयाँमा कारोबार भइरहेको छ । शुक्रबारको तुलनामा आज चाँदीको मूल्य १५ रुपैयाँले कम हो ।