झापामा आगलागी हुँदा ७० लाखको क्षति

विराटनगर । झापाको कचनकवल गाउँपालिका-६ बनियानीमा आगलागी हुँदा ७० लाख बराबरको क्षति भएको छ । शनिबार साँझ स्थानीय कमल खतिवडाको घरमा पूजा कोठामा बालेको दियोबाट आगलागी भएको हो । आगोले टिनको छानो भएको दुई तले र १० कोठे घर पूर्णरूपमा जलेर ध्वस्त भएको झापा प्रहरीले जनाएको छ ।

आगोले घरसहित घरभित्र रहेको एक लाख नगद, अन्दाजी ४१ लाख ४२ हजार पाँच सय बराबरको सुन, ७५ तोला चाँदी, दुई वटा एसी, दुई वटा टिभी र १० लाख मूल्य बराबरको विभिन्न सामान जलेर नष्ट भएको छ ।

Advertisement

आगलागीबाट करिब ७० लाख बराबरको क्षति भएको प्रारम्भिक अनुसन्धानबाट खुलेको प्रहरीले जनाएको छ । गालो राति करिब १० बजेतिर नियन्त्रणमा आएको थियो ।