संगालोखबर 
विराटनगर । माघ महिनामा ताप्लेजुङको प्रसिद्ध धार्मिक स्थल पाथीभरामा चार हजार तीर्थयात्री पुगेका छन् । पाथीभरा क्षेत्र विकास समितिका अनुसार चार हजार दुई सय ४९ जना तीर्थयात्रीले पाथीभराको दर्शन गरेका हुन् ।
केबलकारको विषयलाई लिएर बारम्बार आन्दोलन भएपनि पाथीभरामा आउने तीर्थयात्रीको सङ्ख्यामा कमी नआएको समितिले जनाएको छ । समितिका अनुसार माघ महिनामा १० लाख ४० हजार ती सय रुपैयाँ भेटी सङ्कलन भएको छ ।
Advertisement
पाथीभरा दर्शन गर्न आउने तीर्थयात्रीमा ताप्लेजुङ जिल्ला बाहिरका धेरै छन् । यातायात बन्द हुँदा समस्यामा परेका तीर्थयात्रीहरूलाई सुरक्षाकर्मीले पाथीभरासम्म पुर्याउन सहयोग गरेका थिए । पाथीभरामा वार्षिक तीन लाखसम्म तीर्थयात्री आउने गरेको तथ्याङ्क क्षेत्र विकास समितिसँग छ ।
