पाँचथरमा ट्याक्टर दुर्घटना हुँदा चालकको मृत्यु

विराटनगर । पाँचथरको याङवरक गाउँपालिका–१ च्याङ्थापु स्थित गौंथली भीरमा ट्याक्टर दुर्घटना भएको छ । दुर्घटनामा चालक याङवरक–१ टिम्बुरे घर भएका २७ वर्षीय दिनेश चौहानको मृत्यु भएको हो ।

आज बिहान मे १ त ६८९४ नम्बरको ट्याक्टर दुर्घटना भएको जिल्ला प्रहरी कार्यालय पाँचथरका प्रवक्ता बिनालाल साहले जानकारी दिए ।

Advertisement

‘घटनास्थल टाढा छ । हामी फिदिमबाट घटनास्थलतर्फ जाँदै छौँ । पुग्न अझै केही समय लाग्छ’, उनले संगालोखबरसँग भने, ‘घटनास्थलमा पुगेपछि कानुनी प्रक्रिया पूरा गरेर शव पोष्टमार्टमका लागि पठाउँछौँ ।’