
विराटनगर । ताप्लेजुङमा भरुवा बन्दुकसहित एक जना पक्राउ परेका छन् । पाथीभरा याङबरक गाउँपालिका-१ बाट एक नाल भरुवा बन्दुकसहित ४० वर्षीय बिर्खराज राईलाई प्रहरीले नियन्त्रणमा लिएको हो ।
घरमा लुकाएर राखेको भन्ने सूचनाका आधारमा जिल्ला प्रहरी कार्यालय ताप्लेजुङबाट खटिएको प्रहरी टोलीले घरमा लुकाएर राखेको अवस्थामा बन्दुक बरामद गरेको हो ।
बन्दुकसहित पक्राउ परेका राईका सम्बन्धमा आवश्यक अनुसन्धान भइरहेको कोशी प्रदेश प्रहरी कार्यालय विराटनगरले जनाएको छ ।