बिस्कुटको प्याकेटमा लागूऔषध लुकाएर ल्याउँदै गर्दा दुई जना पक्राउ

झापा । बिस्कुटको प्याकेटभित्र लागूऔषध ब्राउन सुगर लुकाएर ल्याउँदै गर्दा दुई जना पक्राउ परेका छन् । उनीहरूलाई मंगलबार राति आठ बजे मेची पुलबाट प्रहरीले नियन्त्रणमा लिएको हो ।

भारतको पानीट्याङ्कीबाट सिटी सफारीमा काँकरभिट्टातर्फ आउँदै गरेका पाँचथर मिक्लाजुङ-४ रवि का ३१ वर्षीय दिलप्रसाद राई र मिक्लाजुङ-५ घर भइ दमक-२ बस्ने २९ वर्षीया स्मारिका नेम्बाङ पक्राउ परेका हुन् ।

उनीहरूले पतञ्जलि दूध लेखिएको बिस्कुटको प्याकेटभित्र लुकाएर ब्राउनसुगर ल्याएका थिए । ४ ग्राम ब्राउन सुगरसहित दुबै जनालाई आवश्यक कारबाहीको लागि इलाका प्रहरी कार्यालय काँकरभिट्टामा राखिएको जिल्ला प्रहरी कार्यालय झापाले जनाएको छ ।